Batera antolatu zuten ikastaroa Universidad del País Vasco/Euskal Herriko Unibertsitateak eta Bordeleko Unibertsitateak. “Ozeanoa, arrisku iturri gisa” izan zuen erdigune, eta fokua uraren kalitateak eta plastikoen ondoriozko kutsadurak dakartzaten dilema eta desafio nagusietan eta Euskadi-Akitania litoralean egiten diren kirol, aisia eta osasun jarduerekin lotura duten segurtasun arazoetan jarri zuen. 

Ikastaroan, erronka horiek planteatzen dituzten dilema eta desafio nagusiak identifikatu ziren, diziplinarteko ikuspegitik, mugaz gaindiko lurralde garapen jasangarriaren esparruan irtenbideak proposatzen ari diren eragile, azterlan, proiektu eta ekimenen berri emateko eta haiek lotzeko.

Learning by experience ikuspegitik, ikaskuntza aktiboko dinamikak planteatu ziren, bai eta erakusketa espazioak, tailerrak eta instalazioetara bisitak ere, sektore eta agenteen artean trukea eta sinergiak sustatzeko asmoz. Bi unibertsitateetako ikasleak ekitaldiaren dinamizazioan eta gizarte komunikazioan inplikatzea sustatu zen.

Helburuak:

• Ozeanoak arrisku gisa planteatzen dituen dilema eta desafio nagusiak aztertzea, fokua plastikoen ondoriozko kutsaduran eta litoraleko jarduerei lotutako segurtasunean jarriz.
• Arrisku horiek ikertzeko, aurrea hartzeko eta kudeatzeko sektorean sortu berri diren ezagutzak eta berrikuntzak balioztatzea.
• Tematikaren inguruko ikerketako, prestakuntzako, berrikuntzako eta ekintzailetzako proiektu, ekimen eta lurralde gaitasunak zabaldu eta konektatzea.
• Erronka handiak definitzen laguntzea, mugaz gaindiko lurralde ezagutzaren eta berrikuntzaren erkidegoa mobilizatu ahal izateko, arrisku horien kudeaketa sostengagarriaren inguruan.
• Lurraldea eremu horietan bikaintasuneko zentro izan dadin laguntzea eta, horretarako, mugaz gaindiko lurralde eragileen (unibertsitatea, enpresak, administrazioak, elkarteak etab.) sarearen sinergiak sustatzea.