UPV/EHUren Sinnergiak Social Innovation ikergunea 2012an sortu zen, Euskampus Fundazioaren barnean, ezagutza garatzeko; horretarako, eragile heterogeneoen arteko elkarlana sustatzen da, maila lokalean eta nazioartean, bai ikuspegi sozialetik, bai lurralde ikuspegitik. 

Sinnergiak ikergunearen espezializazio arloa honako ezagutza eremu hauetara bideratuta dago: gizarte berrikuntza, berrikuntza publikoa, lan testuinguruetako berrikuntza eta kultura eta sormen industriak. 

Gainera, bere jarduera arloak hauek dira: ikerketa eta ekintza eta esku-hartzea, proiektu berritzaileen garapenean zentratuak; Sinnergiak ikergunearen gai nagusien inguruko prestakuntza, eta ezagutzaren transferentzia, argitalpen zientifikoetan eta bere aldizkari akademikoaren argitalpenean ardaztua, esperientziak zabaltzeko. 

Sinnergiak Social Innovation ikergunearen jarduera arloak honako hauek dira:

• Ikerketa eta ekintza eta esku-hartzea. Proiektu berritzaileen garapenean zentratua, honako emaitza hauek dituela agerikoen: adierazleak, ereduak, sareak eta aliantza estrategikoak.
• Prestakuntza. Sinnergiak-en gai nagusien inguruko edukiak eskaintzeko planifikatua. Nagusiki, jarduera horiek udako ikastaroen, mintegien eta prestakuntza jarduera eta jardunaldien bidez antolatzen dira.
• Jakintzaren transferentzia. Esperientzia (proiektuak, kasuak), txosten eta dokumentuen (ebaluazioak eta inpaktuak) zabalkundea, argitalpen zientifikoak (liburu eta artikuluak) eta bere aldizkari akademiko propioaren argitalpena.