2016an, UPV/EHUko ikertalde bat diziplinarteko elkarlanaren inguruan elkarrekin hausnartzeko bildu zen, parte hartzearen bidezko topaketa praktiko batzuetan. UPV/EHUren testuinguru espezifikoan lan akademikoan eta ikertzailean diziplinarteko elkarlanaren zentzua (eta oztopoak) zein den aztertu eta eztabaidatu zen. Oinarri horrekin, ingurunea diziplinen arteko integrazio erradikalagorantz eraldatzeko ekimen zehatzak sortu ziren.

Zenbait lan mailari edo eremuri heldu zitzaien.

• Pertsonala 

Zein dira diziplinarteko taldeko lanerako bide ematen duten edo oztopatzen duten trebetasun, jarrera eta emozioak?

• Taldea eta harremanak 

Zer ohitura eta elkarrizketa praktika daude diziplina batetik haratago? Nola erabili hizkuntza, elkarrizketarako benetako tresna gisa, kodeez haratago? Zein dira TRANS mintzairaren ezaugarriak? Zer erritualetan (formalak edo informalak) sortzen eta azaltzen da diziplinarteko talde bat?