UPV/EHUk euskal diaspora akademikoari buruz antolatutako lehen sinposioa Donostian izan zen, 2016ko uztailaren 12an, Carlos Santamaría zentroan, Donostia Europako kultura hiriburua izan zenean.

Mundu osotik sakabanatuta arbaso euskaldunak dituzten edo Euskal Herriarekin loturak dituzten akademiko eta ikertzaileen nazioarteko erkidegoaren oinarriak ezartzeko abiapuntutzat hartu zen, eta planeta osoko ikerketa, adimen eta kultura jarduera identifikatzeko eta Euskal Herriko sustraiekin lotzeko aukera paregabetzat.

Ameriketako Estatu Batuetako eta Europako akademiko eta ikertzaile entzutetsuak izan ziren, Euskal Herriarekin ageriko loturak dituzten nazioarteko erreferentziazko pertsonak, nagusiki motibo batengatik edo batzuengatik: Euskal Herriko zazpi probintzietakoren bateko arbasoak dituzte; Euskal Herrian jaio dira; Euskal Herriko unibertsitateetako Alumniak izan dira, edo euskal ikasketen nazioarteko akademikoak dira.

Hona hemen gonbidatuen izenak, afiliazio erreferentzia laburrekin:

• William Douglass, Gizarte Antropologiako irakaslea Nevadako Unibertsitatean (Reno). Honako hitzaldi hau eman zuen:  “Euskal diasporan espezialista direnen nazioarteko sare akademikoa eratzen”.
• Stephen Ansolabehere, Gobernuko irakaslea Harvardeko Unibertsitatean (Cambridge, Massachusetts). Hitzaldiaren izenburua: “Bost ideia Euskal Diaspora Akademikoaren Sarea eratzeko”