ALCK berrikuntza sozialeko laborategi bat da; eraldaketa komunitarioko prozesuak sustatzen ditu, berrikuntza irekiko plataformen bidez eta, horretarako, kulturan oinarritzen da, aldaketa eragile gisa. Euskampus Fundazioaren barnean sortu zen, 2013an, Euskadiko eraldaketa sozioekonomikoko esperientzia aztertzeko eta ulertzeko diziplina anitzeko ikuspegian eta ikuspegi sistemikoan oinarrituta.

Bere helburu nagusia da gizarteak aurrez aurre dituen erronka konplexuenei heltzea eta, horretarako, eraldaketa sistemikoari buruzko ikerketak praktikan jartzea. Hala, ALCren helburua da hobeto ulertzea alderdi kulturalek zer-nolako eragina duten egungo errealitateak eraldatzeko eta beste hobe batzuk lortzeko berrikuntza prozesuetan.

ALCKn erkidego bakoitzean sakon murgiltzen gara –haien balioetan eta portaeretan–, irtenbide hobeak eta eraginkorragoak lortzeko bide bakarra dela uste baitugu, elkarlanean oinarrituta batera diseinatutakoak, lurralde bakoitzaren adimenean oinarrituz eta modu globalean eta jasangarrian jardunez. Hori horrela, gure ustez, funtsezkoa da elkarlaneko sare global indartsu bat sortzea eta mantentzea, bazkide konstelazio bat, bata bestetik ikasteko motor eta ezagutza trukatzeko plataforma modura.